2023-01-06 【東方日報】吳家樂首演癱瘓人士 做足功課同錢嘉樂鬥戲
瀏覽次數:542

藝人吳家樂於劇集《仁濟心》中,接受不少挑戰,除了首度飾演全身癱瘓人士外,更要在不足半小時的劇情內做到倔強、掙扎、無助及發放正能量幫助別人等不同心理狀態,其中與錢嘉樂的對手戲,更是情緒波幅甚大、張力十足。談到該個場口,吳家樂直言做足功課:「事先有同導演研究,睇吓點樣由下靶位變成感動到大師兄(錢嘉樂)。我一路都好期待拍呢場戲,因為我識咗大師兄好多好多年,從來未試過同佢一齊拍劇,係幾開心嘅。」

除了戲劇部分,該集還加插了其他殘疾人士訪問,包括在《中年好聲音》中成功殺入26強的參賽者柳冕。他受訪時坦言由健全變殘障一刻,確實需要克服不少心理障礙,內容相當洋葱,柳冕說:「我記得喺醫院時,日頭連喊都唔敢喊,因為連抹眼淚嘅手都冇,所以每次都係去到夜晚,醫生護士熄燈時先爆喊…明明前兩日仲行得、玩得、食得,點解突然要瞓喺醫院?仲要好似BB咁失禁,要醫院阿姐除低你條尿片幫你抹Pat Pat。所以嗰時根本接受唔到,覺得自己唔單止係病人,唔單止係傷殘人士,係連自尊都失去晒。」雖然曾一度陷入低潮黑暗期,但憑藉自身的堅毅以及家人的愛護與支持,柳冕最終成功走出陰霾,並積極透過分享自身經歷,及公開表演和呼籲等,為同路人打氣及帶來曙光。




 
其他近期報導:
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆:基因的奇妙
2023-02-20 久未現身家庭照 錢嘉樂冧爆慈父樣望7歲細女
 
 
  木日一比 mokuSnoopy - Snoopy商品代購