2022-09-09 【頭條日報】獎門人|曾志偉以《怪獸公司》阿Boo造型亮相 錢嘉樂笑問:你想點?
瀏覽次數:236

黃宗澤(Bosco)、蔡思貝、陳煒(煒哥)及陳敏之等,昨晚在電視城錄影《開心無敵獎門人》。「獎門人」曾志偉以《怪獸公司》的阿Boo造型亮相,結果被錢嘉樂問他想點?志偉戲言:「最近被人追到甩褲,冇褲着,被人追《獎門人》飛呀!一張可以換一張飛機票。」志偉又指煒哥好事近個人都靚咗。之後各人玩遊戲擺甫士趴地又夾胸,獎門人要他們扮藝人經典甫士,兩隊隊員分別扮梅艷芳、羅文、陳百強、張國榮及徐錦江等,全部都是獎門人的老友。

Bosco與蔡思貝一同受訪,Bosco表示自己是《獎門人》節目常客,早年曾與苗僑偉及張家輝玩過,最難忘和張家輝玩一字馬吹蠟燭遊戲,玩到大腿內側好痛。問到Bosco今次有沒有拉定筋?他說沒有,因不用玩這個遊戲,至於濕身就無問題,已經帶衫及底褲更換。蔡思貝則稱未玩過《獎門人》節目,所有經典遊戲都想玩,不過沒有帶多套衫,笑言濕完乾又一條好漢。

最近吳卓羲参與內地綜藝節目,憶述在TVB拍劇辛苦經歷,試過七天沒睡覺,Bosco說:「我勁過佢,賀歲片及劇集同時兼顧,廠接外景,有11、2日冇瞓,司機及助手要輪更,我幾想有替身。(辛唔辛苦?)梗係辛苦,冇得瞓,不過是一個過程,好多TVB出來的藝員特別捱得。」思貝稱拍劇最多四日冇瞓覺,經歷令她回甘。




 
其他近期報導:
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆:基因的奇妙
2023-02-20 久未現身家庭照 錢嘉樂冧爆慈父樣望7歲細女
 
 
  木日一比 mokuSnoopy - Snoopy商品代購