2022-07-15 【東方日報】金像獎︱錢嘉樂唔怕亮相ViuTV 王丹妮型格戰衣爭影后
瀏覽次數:92

金像獎主席爾冬陞(小寶)及董事成員錢嘉樂,出席「第四十屆香港電影金像獎」拜神,小寶透露已邀請影帝古天樂及張家輝任頒獎嘉賓,問到日前拍戲受傷的候選人林家棟可會如期現身?小寶表示其傷勢不太嚴重,但出席與否將於明日回覆,身為肇事電影動作導演的嘉樂,指事發當日同場不同組拍攝,但也有留言慰問:「佢話唔係咁大件事,仲話男人係要有啲傷,會好快好番。(係咪傷到個肺?)有啲,撞到氣門。(有冇骨折?)應該冇,等主席擔心吓先,佢責任大壓力就大,因為家棟有兩個影帝提名同編劇提名。(有冇候選人嚟唔到?)個別喺外地同內地嘅,好似鞏俐就嚟唔到。」

對於ViuTV直播金像獎,小寶則坦言對未能掌控的事情不擔心,笑指反擔心與無綫關係友好的嘉樂未能現身,嘉樂對此說:「我同曾志偉以前都試過亮相亞視嘅頒獎禮講廣東話,去唔同嘅台最開心。」問到小寶可有邀請志偉出席頒獎禮?他搖頭表示沒有,就連無綫人也沒有邀請:「唔好生事,搞到咁複雜仲乜,簡單啲單純啲,何必搞尷尬場面出現。」更指今年頒獎禮已兩年合辦,但面對疫情數字上升感頭痕:「真係震過貓王,都計劃過萬一防疫措施再收緊,頒獎禮喺冇觀眾情況下都會繼續,咪當個攝影機係觀眾囉!」

戰衣行型格路線

藝人王丹妮(Louise)和梁仲恆於今屆金像獎分別「起雙飛」提名影帝、后及新人獎,二人出席拜神儀式時,對頒獎禮日子逼近感期待,她說:「感覺好夢幻。(緊張?)我係事後嘅人,當日會享受個騷,之後先會緊張(老公羅孝勇同個女都嚟?)老公會嚟,小朋友就同屋企人喺屋企睇電視。(戰衣準備好?)準備好,會行型格路線,應露嘅地方就露。」

梁仲恆則表示緊張心情來自與Louise表演環節:「有一Part係我哋唱歌回顧已故嘅前輩,因為綵排時間唔多。(咁有冇諗過攞獎?)平常心,隨遇而安,有冇都咁開心。」





 
其他近期報導:
2022-10-10 開心無敵獎門人丨陳瀅玩啜乒乓保持靚樣 曾淑雅啜力最強勁 網民: 同當年JJ有得揮
2022-10-09 【開心無敵獎門人】Jumbo玩啜乒乓被讚「好識啜」 獎門人怕內容踩界急嗌停遊戲
2022-10-09 陳瀅為《美麗戰場》激動爆衫 曾志偉畀人夫搞到唔知出唔出到街
2022-10-09 獎門人︱曾淑雅口技獲讚!何依婷被陳山聰「光速」狂揈 原文網址:獎門人︱曾淑雅口技獲讚!何依婷被陳山聰「光速」狂揈 | on.cc東網 | 繽FUN星網 https://hk.on.cc/hk/b
2022-10-01 TVB藝訓班學員起底︳陳頌天係香港武術代表隊 勁打得 李海銅拍過ViuTV台慶劇
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購