2022-03-19 【HK01】曾志偉認TVB逾500人確診新冠 爆「閉環式管理」設大帳篷瞓戶外?
瀏覽次數:43

無綫(TVB)總經理曾志偉和錢嘉樂今日(19/3)現身電視城出席新綜藝節目《講你都唔信》拜神儀式。對於近日有指TVB因疫情大爆發,絕大部份劇組被迫停廠招致損失慘重,故推行為期約三星期「閉環式」工作空間,曾志偉接受《香港01》訪問時表示:「其實我哋只係計劃『閉環式』封城工作,主要係萬一政府執行封城措施時,而我哋作為一間電視台必須持續有效提供娛樂及正常資訊廣大市民,咁所以我哋作出咗唔同嘅準備。而現時政府暫時未執行,咁所以我哋就預演先,做定事前嘅工作,隨時作出應對。」

談到有指TVB有超過五百名員工染疫,曾志偉坦言消息屬實:「五百鬆啲,而呢五百人唔係喺電視城度感染,而係極少部份人喺電視城感染,因為入城前要做檢測,呈陽性我哋會叫佢返屋企。而部份劇組亦都陸續開工。(停廠損失幾多?)十蚊百蚊,哈哈!其實全香港各行各業都損失啦。」問「閉環式」工作空間實行時,如何安置留宿員工?曾志偉表示:「我哋會喺電視城露天大停車場搭建兩個大帳篷一個係女性專用,而另一個係男性專用。最重要唔怕風吹雨打先啦,因為而家天氣好番,又唔會好似之前天氣咁凍,咁所以喺度瞓就冇咩問題。只要當政府宣布解除封城令,我哋就會照常出入。」

至於被問到大帳篷內會否設置獨立間格保私隱度,志偉打趣說:「仲使唔使地氈呀!仲要一間間。哈哈!為咗佢哋嘅私隱,其實裏頭仲可以搭帳篷嘅,所以我哋就就分咗男女帳篷,原先本意就希望唔分嘅,但冇可能啦,如果畀佢(錢嘉樂)同羅蘭姐⋯⋯咁所以申請都要睇人嘅,唔係睇女士係睇男士,就好似錢嘉樂呢啲咁猴擒就唔准嘅,因為佢瞓咗有夢遊,專襲擊女性。(咁佢應該要綁條鐵鏈!)哈哈!係呀係呀用鐵鏈,啱喇!」搞到身邊的錢嘉樂笑住回應:「一陣飲茶傾下,用咩鏈,哈哈!」




 
其他近期報導:
2022-05-25 【大台改革】TVB藝訓班香港內地同步招生 曾志偉碌人情卡邀星級導師講課
2022-05-23 《獎門人》有罪?
2022-05-06 360秒人生課堂︱錢嘉樂憶當年主持《獎門人》似行刑
2022-04-04 披露 10 年前拍床戲辛酸 方力申被爆講大話會面紅
2022-04-04 講你都唔信︳曾志偉壓軸落場講古後輩做主持 肥仔聰記仇玩《獎門人》被針對
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購