2021-05-24 【東方日報】3.5億巨製《金手指》超豪場景首曝光 楊受成直擊影帝鬥法
瀏覽次數:189

英皇集團主席楊受成投資拍攝的英皇電影超級大製作《金手指》,由莊文強執導及編劇、黃斌監製,影帝梁朝偉、劉德華、蔡卓妍(阿Sa)、任達華、方中信、姜皓文、錢嘉樂、陳家樂、周家怡、李靖筠、白只、太保等演出,星光熠熠,「戲」勢強勁!

已經煞科並進入後期製作的《金》片,開拍以來十分順利,楊生更兩度親臨現場探班打氣。向來甚少借出場地作拍攝的半島酒店,是多場重頭戲的重要場景,其中一場是梁朝偉與劉德華正面交鋒的場口,更安排在總統套房中拍攝,氣派十足。楊生讚嘆劇組十分架勢,借得多個靚景襯絕影帝外,先睹為快,在現場觀摩影帝的精彩鬥法,他說:「等咗兩位影帝十多個年頭,先等到佢哋再度『合體』,絕對機會難逢。」
見證經典電影誕生
問到偉仔與華仔是否愈拍愈有火﹖楊生說:「莊文強同黃斌都同我講,拍攝非常順利,兩位影帝絕對係夢幻組合,對手戲真係好有火花,導演同監製都話好滿意!」他又指現場看過兩人的對手戲,笑言不是賣廣告,演出確實相當精彩,很開心將會見證另一部香港經典電影的誕生。
講到阿Sa在片中落力演出,演技更上一層樓,楊生說:「阿Sa每次拍戲都好用心,尤其是今次可以同偉仔合作,佢更加係全力以赴,我去探班都感覺到佢好認真咁演繹角色,好期待阿Sa嘅演出。」

在片場探班時,監製黃斌則充當導賞員,帶楊生和一眾工作人員參觀戲中偉仔金碧輝煌的辦公室,猶如睇樓團,其中一個辦公室場景,規模之大,不禁令楊生也要駐足打卡,而其中一間房更擺滿古董,楊生說:「廠景布置十足豪宅一樣,就算真嘅豪宅都冇咁靚,雖然全部用金錢堆砌出嚟,但絕對值得,用嚟襯托呢個金像獎級班底陣容,絕對值回票價,相信觀眾同我一樣,對這部戲充滿期待。」除了對兩位影帝照顧有加,楊生對劇組上下都十分窩心,阿Sa、任達華與新一代演員胡子彤、岑珈其、何啟華及徐浩昌在邵氏片場開工時,他也親身前來探班及「萬歲」。
放棄演出機會
新片不惜工本斥3.5億打造,預計2022年上映,楊生透露單是場景,已經花費5千萬搭建!他說:「我去咗兩次探班,第一次係去半島酒店,大家都知道半島唔係咁容易會借景出嚟,仲借埋總統套房出嚟,可以話係襯晒《金手指》嘅大片氣派。另一次就參觀咗戲入面偉仔嘅辦公室,入面仲有一個非常富麗堂皇嘅古董房,完全可以反映偉仔戲中嘅狂人本色,唔單止係我,觀眾肯定都會好期待《金手指》。」講到不少電影公司老闆也會客串演出,楊生笑說:「唔好,咁難得參演《金手指》嘅機會,都係留番畀專業演員啦!」


 
其他近期報導:
2021-12-01青春本我|Chantel被爆「NG王」 錢嘉樂孖湯盈盈首度幕前演夫妻
2021-12-01青春本我|錢嘉樂湯盈盈幕前首演夫妻
2021-12-01錢嘉樂湯盈盈首度合演夫妻 Chantel忍唔到笑被封NG王
2021-12-02青春本我|錢嘉樂湯盈盈首度合體演兩公婆 同劇仲有邊對係真‧夫妻?
2021-11-06人盯人!「閹槍」做足檢查
 
 
  木日一比 mokuSnoopy Facebook