2021-03-25 【晴報】許冠文拍動作戲錢嘉樂唔認「虐老」

瀏覽次數：458

抗疫電影《總是有愛在隔離》將於下月上映，不少圈中前輩不收分文接拍電影，當中許冠文（Michael）除了義務拍戲外，更要捱夜拍動作戲，出心出力。其中一場戲講述Michael與錢嘉樂等人走秘密水道逃離酒店，在攝氏34度高溫下，穿上厚重潛水衣拍攝，未落水池已濕透全身，Michael更要在管道上瞓身爬行。不過Michael樂在其中︰「我幾鍾意做動作戲，因為唔使諗對白！今次我多數諗有幽默感嘅文戲，錢嘉樂就負責動作、打鬥，幾有火花，佢會度一啲嘢我唔會諗到！」身兼動作導演的錢嘉樂否認虐待前輩︰「潛水衣唔關我哋動作設計事㗎，我哋負責實行啫！」