2021-01-27 【晴報】錢錢錢錢│錢小豪獲兩子驚喜送蛋糕慶生 19歲餅印細仔聽到關鍵字即笑
瀏覽次數:572

錢小豪和錢嘉樂兩兄弟近日獲邀為節目《諸朋好友》錄影,接受主持陳凱琳和崔建邦的訪問。在TVB娛樂新聞的報道所見,1月25日正是錢小豪的58歲生日,大會特別安排他的兩個仔龐景峰、錢穎德驚喜現身,齊齊送上生日蛋糕賀壽,令錢小豪大感驚喜!錢小豪許願望疫情儘快過去,大家可以回復正常生活四周圍飛!

錢氏四傑難得同場,合成「錢錢錢錢」的畫面,他們笑言「好多錢!」小豪的細仔錢穎德以往不多在熒幕上露面,剛滿19歲的他長得跟小豪越來越似樣,他們更穿上牛仔衫父子裝,不過未知是否怕醜,外表比較酷無乜嘢笑容,他乖乖跟爸爸、叔叔和哥哥一齊接受訪問。

錢小豪就話:「我去咗橫店拍戲,同大仔成日見,因為一齊拍戲,但差不多7個月冇見細仔,第一時間梗係將功補過,買套父子裝先!」主持人追問下一步是否買跑車,錢穎德即時不禁竊笑,連叔叔錢嘉樂都說:「你講父子裝都冇乜嘢反應,一講跑車佢即刻忍唔住笑!」

錢小豪表示作為父親,自己盡量放手,希望細仔多去發掘自己的興趣,「佢瓣數好多,鍾意潛水、打碟、跳舞、賽車,仲有打泰拳……」錢穎德說:「之前有操拳,不過因為疫情(拳館冇開),所以暫時都放低咗。」

而大仔龐景峰跟著媽媽郭秀雲成長,並改名跟繼父姓龐。近來他活躍幕前,反而有更多機會跟爸爸見面,「呢幾年開始拍戲,接觸多咗,好多時都同一部戲,不過冇演父子,多數都係師傅同徒弟之類,所以可以玩吓老竇!」

錢小豪經歷過兩段婚姻,前妻為郭秀雲,於1990年在澳洲結婚,不久誕下大仔錢浩然(亦即龐景峰)。三年後,兩人分居並離婚。郭秀雲後來再婚,現任丈夫為「鋼鐵大王」龐鼎元第五子龐傑,囝囝錢浩然亦改跟繼父姓,易名龐景峰,今年30歲。至於錢小豪的現任妻子為丘倩鳴,於2001年完婚,婚後亦育有一子錢穎德。




 
其他近期報導:
2022-09-16 【港姐2022】佳麗總決賽前閉環受訓 兩大學霸佳麗手拖手闢謠
2022-09-09 獎門人|曾志偉以《怪獸公司》阿Boo造型亮相 錢嘉樂笑問:你想點?
2022-09-03 獎門人丨曾志偉染疫康復錄影狀態好 鄭衍峰好無辜玩遊戲下體遭殃
2022-09-05 擔任「一次性用完即棄獎門人」 蘭茜晒志偉腔大嗌「打和」
2022-09-05 獎門人︱方力申緋聞遭擺上枱 被爆食盡「曲奇餅」
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購