2020-10-28 【AM730】錢國偉胰臟癌病逝 陳宛蔚讚夫是戰士

瀏覽次數:60

陳宛蔚首先多謝大家的關心,她表示Wilson一直都認為自己會康復,所以他們沒有討論過任何事情。她說︰「佢好Peaceful咁離開,好叻仔,係我嘅Hero,好多人都好錫佢。我老公一粒止痛藥都冇食過,都捱得到,好叻呀佢!佢真係我嘅戰士!」她表示2歲囡囡有見爸爸最後一面。錢嘉樂續指Wilson兩年前已得知患癌,在香港的好友都有入院探望,而曾志偉、陳小春、林曉峰、謝天華等好兄弟因身在內地,也有以視像與錢國偉聯繫。他說︰「佢太太呢兩年好攰,呢日要面對好多嘢,希望Wilson喺另一個國度可以開心生活。」

堅持工作到最後

嘉樂稱Wilson唯一牽掛是兩歲大的囡囡,強調會與一眾好友會好好照顧,又讚她年紀小小十分生性。提到Wilson生前可有工作尚未完成,陳宛蔚表示有小量工作未有完成,相信朋友們會體諒,錢嘉樂補充說︰「伊健個演唱會有手尾要跟,佢仲有一部戲,都有完成嘅。最初佢有病,都堅持創作,話怕亂諗嘢。」完成訪問後,陳宛蔚終忍不住淚水,眼濕濕合十致謝再離開。


 
其他近期報導:
2021-01-22錢嘉樂洪天明 隨時幫手
2021-01-21余詠珊不辭職待志偉回港傾大計 錢嘉樂:等佢吹雞
2020-11-01【錢國偉病逝】錢嘉樂願代亡友湊女 遺孀陳宛蔚:以為佢會好番
2020-11-01【勵志故事】受錢嘉樂專業精神啟發 女替身何佩珉:做武師都能夠發光
2020-10-31錢嘉樂推線上節目培育武打演員
 
 
  Blossom Living Store 咲屋生活百貨 Facebook