2018-10-19 【東方日報】陳小春爭輸伊健鄭中基巡唱香港站落空

瀏覽次數：240

延續22年兄弟情，鄭伊健、陳小春、謝天華、錢嘉樂及林曉峰五個古惑佬，演唱會、電影、綜藝節目長做長有，開工搵銀拍住上。不過伊健前周四(4日) 51歲牛一，漏口風會再開騷，落實在明年二月農曆年間再登紅館舞台，相隔六年終於撇甩班兄弟開個人演唱會。其實單拖開騷唔止伊健仲有小春，亦都一樣晨早入紙吼實農曆年紅館檔期，不過小春入紙三次都申請失敗，惟有內地巡唱獨欠香港站，拖住先！

近日五位古惑佬有四個都忙住同監製曾志偉四圍謝票，為新戲《黃金兄弟》宣傳，唯獨陳小春連場缺席。原來個人巡迴演唱會下月10日就於成都站揭開序幕，剩番一個月時間練歌練舞排rundown，難怪小春都話時間緊迫。