2018-09-22 【蘋果日報】伊健趕戲易躁底 錢嘉樂淡定慢慢教

瀏覽次數:7

由鄭伊健、陳小春、謝天華、林曉峰主演、錢嘉樂首次自導自演的電影《黃金兄弟》前日上映,他們當日一行5人快閃出席《娛果》直播節目《今日ENT》,玩遊戲互爆秘密及考智慧。在互爆環節中各人都異口同聲指謝天華最貪玩,一沉迷就不得了,而亦是最易醉,酒品更是一般。他們越玩越興奮,更爆天華除為食之外,最喜歡到澳門食煲仔飯。

戲中嘉樂外號為「淡定」,伊健大讚對方拍攝時人如其名,他說:「佢面對呢套電影都好大壓力,但覺得佢真係好淡定,處理每件事,遇到嘅困難都好淡定。」小春笑言:「佢喺現場慢條斯理step by step去運作成套戲指導我哋,到我哋有啲動作唔得,佢會好淡定慢慢教。」

有耐性冇脾氣

嘉樂認為在壓力下拍戲氣氛會不好,所以想大家拍一部開心又有質素的作品,將來回憶就會美好,又感激兄弟陪伴:「呢度係一班兄弟,有時冇佢哋戲份,佢哋都會喺我旁邊支持我。」伊健指以往拍香港電影速度好快好趕,令大家出現脾氣問題:「拍完嘉樂呢部戲,佢係冇鬧過人,我哋面對係好多困難,好多阻滯,但見佢又冇發脾氣。」《黃》片前日開畫票房67萬,成為開畫票房季軍。

圖1:伊健前日於《今日ENT》大讚嘉樂身兼導演從未發過脾氣,小春則指嘉樂有耐性又淡定。
圖2:(左起)小春、伊健和嘉樂在節目中大玩遊戲,兼互爆秘密。