2018-09-11 【HK01】【黃金兄弟】陳小春被爆在酒店房打邊櫨 林曉峰:要封館重修!
瀏覽次數:235

主演電影《黃金兄弟》的鄭伊健、謝天華、林曉峰(阿Lo)以及導演錢嘉樂今日(11日)出席電台節目為電影宣傳,更坦言今次的電影比預期超支了不少,所以非常感謝投資方成龍大哥及監製曾志偉的大力支持。但除了超支多之外,戲中動作場面的數量亦很,更令演員們都受了不少傷,阿Lo即時質問嘉樂:「係咪因爲好兄弟所以用盡佢哋?」嘉樂笑著回應:「兄弟受傷我係預計唔到嘅!」阿Lo繼續揶揄:「叫啲演員拍咗之後,因為嗰個動作受傷咗,跟住仲要係剪嘅!」


提到第一次接拍好兄弟錢嘉樂執導的電影,問阿Lo可有被錢導演駡?阿Lo:「佢係全程『好,嚟一個!好,再嚟!』仲要陰陰嘴笑,咁究竟係我哋準備得唔好,定係佢覺得『佢哋都係做唔到㗎啦!』係咩意思呢?」嘉樂就反駁其實自己當時百感交集,覺得兄弟們都已盡力做到最好。



問到拍攝期間有沒有發生什麼趣事?他們大爆今日不在場的兄弟陳小春大鑊,暗示在溫泉拍攝時有人搞破壞,在房間偷偷煮食!天華笑指:「佢搞到成間野都係嗰啲味!」阿Lo隨即投訴:「導演話佢知聽日要大打,結果佢竟然「大打邊爐」!打到成幅牆入哂油,到我哋走嘅時候我上返佢哋(指溫泉旅館)個網頁度睇,個溫泉要封館重修!」電影即將在台灣上映,幾兄弟將於14日前往當地做宣傳,會否擔心受颱風影響?伊健搞笑回應道:「我哋一齊祈禱吖,哈哈!」

圖2:其實要拍一班好兄弟,錢嘉樂有時真係好難做



 
其他近期報導:
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆:基因的奇妙
2023-02-20 久未現身家庭照 錢嘉樂冧爆慈父樣望7歲細女
 
 
  木日一比 mokuSnoopy - Snoopy商品代購